Daka er 22 ára gamall og kemur frá Zambíu en hann er einn heitasti framherjinn í Evrópuboltanum um þessar mundir. Daka hefur skorað 27 mörk í 31 leik í öllum keppnum og eru mörg stórlið að fylgjast með honum.

Hann er með 20 deildarmörk í 18 deildarleikjum í Austurríki en Salzburg hefur verið að framleiða frábæra leikmenn síðustu ár.

Samkvæmt Daily Mail eru Arsenal, Liverpool, Man City og Man Utd öll að fylgjast með Daka en hann dreymir um að spila í ensku úrvalsdeildinni.

Leikmaðurinn er metinn á um 17 milljónir evra en hann segist tilbúinn í að taka næsta skref.

„Mig dreymir um að spila á stóra sviðinu eftir að hafa séð stóru bræður mína, þá Aubameyang, Salah og Mane spila þar. Ég get verið eins og þeir. Það að þeir koma líka frá Afríku er hvatning fyrir mig," sagði Daka.