Gylfi Þór skoraði sitt fyrsta mark fyrir Víking
Gylfi Þór Sigurðsson skoraði sitt fyrsta mark fyrir Víking er liðið vann 8-1 stórsigur á Keflavík í æfingaleik á Víkingsvelli í dag.
Gylfi gekk í raðir Víkings í síðasta mánuði frá Val og spilaði sinn fyrsta leik með félaginu er það lagði Grindavík í síðustu viku og skoraði síðan fyrsta markið í dag.
Eiður Orri Ragnarsson kom Keflavík óvænt yfir í leiknum áður en Víkingar tóku við sér.
Gylfi, Valdimar Þór Ingimundarson og Atli Þór Jónasson svöruðu með þremur í fyrri hálfleik og þá bættu þeir Viktor Örlygur Andrason, Þorri Ingólfsson, Matthías Vilhjálmsson, Helgi Guðjónsson og Aron Elís Þrándarson við mörkum í síðari.
Eins og kom fram fyrr í dag var alsírski sóknartengiliðurinn Samy Mahour í byrjunarliði Víkinga en hann er á reynslu hjá félaginu eftir að hafa áður spilað í Belgíu og Frakklandi.
Víkingar eru að leggja lokahönd á undirbúninginn fyrir tímabilið en næsti leikur liðsins er æfingaleikur gegn KR sem fer einnig fram í Víkinni. Sá leikur er spilaður á föstudag.
Leik lokið hér í Hamingjunni með 8-1 sigri okkar Víkinga. Mörkin okkar skoruðu alls 8 leikmenn. Valdi, Gylfi, Atli, Viktor, Þorri, Matti Villa, Helgi og Aron Elís. Sjáumst á föstudaginn þegar KR kemur í heimsókn. Þú finnur miðasöluna hér : https://t.co/jVCgSFL3nm pic.twitter.com/u7LXWWa2OX
— Víkingur (@vikingurfc) March 23, 2025
Veistu úrslit úr æfingaleikjum?
Ef þú hefur upplýsingar um úrslit æfingaleikja og markaskorara endilega sendu okkur þá tölvupóst á [email protected] eða settu úrslitin á Twitter og merktu #fotboltinet
Athugasemdir
