Van Dijk: Við erum að bregðast honum og okkur sjálfum

Gengi Liverpool á þessari leiktíð hefur verið afhroð svo vægt sé til orða tekið.

Leikmenn höfðu vonast eftir því að geta núllstillt eftir 3-0 tapið á móti Manchester City fyrir landsleikjahlé, en þá kom önnur slök frammistaða á móti Nottingham Forest og úrslitin nákvæmlega þau sömu og gegn City.

Van Dijk segir að leikmenn verði að taka ábyrgð.

„Við erum klárlega að bregðast honum en líka okkur sjálfum. Maður lítur fyrst í eigin barm og síðan reyna allir að hjálpast að við að komast út úr þessu rugli því í augnablikinu er þetta ekkert annað en rugl. Það er staðreynd,“ sagði Van Dijk.

Liverpool hefur tapað sex af síðustu sjö leikjum sínum í öllum keppnum og situr nú í 11. sæti ensku úrvalsdeildarinnar með 18 stig.