Búið er að staðfesta frestun á leik Torino og Sassuolo sem fram átti að fara annað kvöld.

Allt lið Torino er komið í sóttkví vegna Covid-19 smita hjá félaginu. Liðið gat því ekki æft í dag.

Greint hafði verið frá því að átta einstaklingar innan leikmannahópsins hafi greinst með breska afbrigði veirunnar.

Leikurinn hefur fengið nýja dagsetningu og á að vera spilaður 17. mars.