David Moyes er góður að þróa leikmenn sem koma úr B-deildinni
Everton og West Ham eru meðal félaga sem hafa áhuga á Chris Rigg, leikmanni Sunderland í ensku B-deildinni.
Þessi 17 ára gamli miðjumaður hefur skorað fjögur mörk og gefið eina stoðsendingu í 34 leikjum með Sunderland í B-deildinni.
Sky Sports segir að Rigg sé á lista hjá Everton og að hann smellpassi við það sem félagið leitar að.
David Moyes, stjóri Everton, þekkir þá vel að taka leikmenn úr B-deildinni og þróa þá hjá Everton. Skotinn gerði mikið af því síðast þegar hann stýrði þeim bláklæddu frá 2002 til 2013.
West Ham United, fyrrum félag Moyes, er einnig í baráttunni og þá hafa nokkur félög frá Þýskalandi áhuga.
Rigg spilar með U19 ára landsliði Englands og skoraði fyrsta mark sitt á dögunum í leik gegn Portúgal.
Athugasemdir
