Hvað þurfa liðin að gera til að komast í 16-liða úrslit?

D-riðill:

Frakkland hefur tryggt sér sæti í 16-liða úrslitum. Heimsmeistararnir tryggja sér sigur í riðlinum með sigri eða jafntefli gegn Túnis, eða ef Ástralía vinnur ekki Danmörku.

Ástralía kemst áfram ef liðið vinnur Danmörku. Jafntefli dugir liðinu ef Túnis vinnur ekki Frakkland.

Danmörk verður að vinna leikinn. Ef Danmörk og Túnis vinna mun markatala ráða úrslitum.

Túnis verður að vinna heimsmeistarana. Túnis getur ekki komist áfram ef Ástralía vinnur Danmörku.

C-riðill:

Pólland þarf að minnsta kosti jafntefli gegn Argentínu til að komast áfram. Ef Pólland tapar og Sádi-Arabía gerir jafntefli mun pólska liðið ná öðru sætinu ef það tapar með eins eða tveggja marka mun.

Argentína er örugg áfram með sigri. Ef Argentína gerir jafntefli kemst liðið bara áfram ef Sádarnir gera jafntefli líka. Ef Argentína gerir jafntefli og Sádar vinna eru Argentínumenn úr leik.

Sádi-Arabía kemst áfram með sigri gegn Mexíkó. Ef jafntefli verður niðurstaðan þurfa Sádar að treysta á að Argentína tapi.

Mexíkó verður að vinna til að eiga möguleika. Sigur með fjögurra marka mun eða meira innsiglar sætið.