Ég hef eytt öllu lífinu mínu í fótbolta. Ég hef Pro þjálfaragráðu. Ég hef þjálfað 2 A-landslið kvenna í 8 ár og tekið þátt í 3 lokakeppnum. Vann bronsverðlaun í einni þeirra. Ég vinn m.a. hjá KSÍ við að taka út þjálfara í félögum landsins. Ég tel mig vita vel hvað ég er að skrifa um hér að neðan.
Meira »
Ég hef eytt öllu lífinu mínu í fótbolta. Ég hef Pro þjálfaragráðu. Ég hef þjálfað 2 A-landslið kvenna í 8 ár og tekið þátt í 3 lokakeppnum. Vann bronsverðlaun í einni þeirra. Ég vinn m.a. hjá KSÍ við að taka út þjálfara í félögum landsins. Ég tel mig vita vel hvað ég er að skrifa um hér að neðan.
Meira »
Fótboltinn tekur mann á ýmsa skemmtilega og áhugaverða staði. Því hef ég sérlega fengið að kynnast eftir að ég tók til starfa sem fótboltafréttamaður og fór að fylgja landsliðunum eftir.
Stara Pazova í Serbíu er klárlega einn athyglisverðasti staður sem ég hef heimsótt í mínu starfi. Meira »
Hvernig breytum við neikvæðri menningu í jákvæða?
Við sem störfum í kringum knattspyrnu á Íslandi höfum mikilvægu hlutverki að gegna. Við erum fyrirmyndir og getum haft gríðarlega mikil áhrif á hugsun og gildismat iðkenda. Við kveikjum neista áhugahvatar á íþróttinni, styðjum við iðkendur, hlúum að uppeldi, hjálpum þeim að finna út hverjir þeir eru og hver ástríða þeirra er í lífinu. Meira »
Á morgun klukkan 14 fer fram stærsti leikur umferðarinnar í Bestu deild karla þegar Vestri tekur á móti Víkingi Reykjavík á Kerecisvellinum.
Athygli vekur að Daði Berg Jónsson, sem leikur með Vestra á láni frá Víkingi, verður ekki í leikmannahópi heimamanna. Ástæðan er ákvæði í samkomulagi félaganna þar sem kveðið er á um að Vestri þurfi að greiða 2,5 milljónir króna vilji þeir að Daði spili. Sú upphæð hefur ekki verið greidd, og verður Daði því í stúkunni þegar liðin mætast.
Margir furða sig á þessu fyrirkomulagi og vekur það upp spurningar um tilgang og tilgangsleysi slíkra samninga. Undirritaður ákvað að skoða málið nánar og setur fram tvær hugsanlegar skýringar.
Vangavelta 1: Vestri telur einfaldlega of dýrt að greiða 2,5 milljónir króna fyrir að fá Daða Berg í leikinn – jafnvel þótt hann gæti reynst lykilmaður gegn sterku liði Víkinga.
Vangavelta 2: Víkingur Reykjavík vill með öllum ráðum koma í veg fyrir að lánsmaður þeirra spili gegn þeim og að dulin þrýstingur sé fyrir hendi Meira »
Aron Sigurðarson, leikmaður KR, var í gær úrskurðaður í tveggja leikja bann fyrir að hafa farið utan í Andra Fannar Stefánsson, leikmann KA, þegar boltinn var ekki í leik.
Það var augljóst að Aron fór ekki óvart utan í Andra Fannar en hvers vegna leikirnir í bann eru tveir er alls ekki augljóst, enda sést ekki nákvæmlega hvernig snertingin milli Arons og Andra er á þeirri upptöku sem í boði er af atvikinu. Meira »
Það er ný vegferð að hefjast hjá íslenska landsliðinu og fyrsti kaflinn skrifaður í þessu einvígi við Kósovó sem hefst í Pristina í kvöld. Það er spenna og eftirvænting fyrir þessum leikjum meðal Íslendinga en það snýst aðallega að persónum og leikendum frekar en vægi þessa umspils.
Arnar Gunnlaugsson er tekinn við og ætlar að setja saman fjölhæfa og sveigjanlega blöndu sem bragðast vel við allar aðstæður. Vegferð hans í þjálfun hefur vakið verðskuldaða athygli og hann kann þá list að fá þjóðina alla til að stökkva um borð með sér.
Efasemdir eru varðandi úrvalið sem við höfum varnarlega en sjálfur hefur Arnar sagt að það sé ekki vandamál. Það þurfi bara að vinna rétt með leikmennina.
Það eru margir leikmenn að spila frábærlega en tríóið sem þjálfari Kósovó nefndi á fréttamannafundi er það sem mesta spennan er fyrir. Nýi fyrirliðinn Orri Steinn Óskarsson, varafyrirliðinn Hákon Arnar Haraldsson sem hefur blómstrað í Meistaradeildinni og svo Albert Guðmundsson sem hefur skorað gegn Napoli, Panathinaikos og Juventus í þremur síðustu leikjum sem hann hefur spilað.
Samkeppnin er mikil á miðju og í sókninni og ljóst að Arnar verður með öflug vopn til að koma inn af bekknum og breyta leikjum ef á þarf að halda. Meira »
Í ljósi umræðunnar um samningsmál á Íslandi og kröfu skattayfirvalda að leikmenn skuli gerðir að launþegum, þeim mótmælum sem hafa komið upp og að leikmenn eigi ekki að vera launþegar langar mig að skrifa mitt álit á þessu máli.
Fyrir það fyrsta að halda því fram að það sé ekki hægt að selja launþega er einfaldlega rangt. Meira »
„Ég held einmitt með Víkingi!" sagði gríski bílstjórinn við mig og benti á lyklakippuna sína sem var með merki Olympiakos.
Bílstjórinn sem sótti mig á flugvöllinn eftir að ég lenti í Aþenu er í harðkjarna stuðningssveit Olympiakos og notaði tækifærið þegar við vorum fastir í leiðinlegum umferðarteppum Aþenuborgar í að sýna mér myndbönd sem hann hefði tekið á leikjum liðsins. Rauð blys, mikil læti, mikil stemning. Meira »
Í útvarpsþætti okkar á Fótbolta.net á X977 varpaði ég fram þeirri hugmynd að leggja niður Reykjavíkurmótið í núverandi mynd og breyta því í einn stakan úrslitaleik, búa til létta Ofurbikars stemningu.
Ég hef gaman að því hvað ég hef fengið góð viðbrögð við þessari hugmynd og það frá ýmsum þátttakendum leiksins; leikmönnum, þjálfurum, dómurum og stuðningsmönnum. Enginn hefur rætt við mig sem er algjörlega ósammála hugmyndinni en það væri gaman að heyra í þeim einstaklingi líka! Meira »
Á næstu mánuðum er komið að því sem hefur stefnt í alltof lengi án þess að brugðist hafi verið við, fyrr en of seint. Íslenskt félagslið þarf að leika heimaleik erlendis og einnig íslenska landsliðið vegna þess að mannvirkja- og vallamál hér á landi eru léleg og óboðleg.
Íslensk lið geta ekki spilað heima hjá sér en hjá öðrum löndum sem eru í sömu stöðu er ástæðan sú að þau eru í stríði; eins og Úkraína og Ísrael. Meira »
Þegar ég vaknaði um morguninn 30. desember síðastliðinn var eitt það fyrsta sem ég gerði að senda Michael Newberry, vini mínum, afmæliskveðju í skilaboðum.
Meira »
Hvar stendur íslenskur fótbolti og fyrir hvað viljum við standa?
Þetta er spurning sem ég hef oft spurt sjálfan mig að. Ég hef hinsvegar aldrei fundið eða fengið svar við þeirri spurningu.
Held að allir séu sammála um það að íslenskur fótbolti er smá “Sveitó“ áhugamennska en það er ákveðin rómantík við það. Hinsvegar eru félög að eyða óhemju miklum peningum í leikmenn og laun þeirra – laun sem að ekki eru réttlætanleg miðað við gæði deildarinnar eða þeirra leikmanna sem fá þessi laun. Meira »
Það er mikil eftirvænting á leikdegi hér í Cardiff. Wales og Ísland mætast í mikilvægum leik fyrir bæði lið og í gær var búið að selja 27 þúsund miða.
Umræðan í aðdraganda leiksins hefur litast að miklu leyti af óvissunni um framtíð Age Hareide landsliðsþjálfara Íslands. Meira »
Íslenska landsliðið, fylgdarlið og fjölmiðlamenn hafa yfirgefið Svartfjallaland, með stigin þrjú í farteskinu, og þessi orð eru skrifuð um borð í flugvél sem er á leið til Cardiff í Wales þar sem framundan er úrslitaleikur á þriðjudag.
Sigurinn gegn Svartfellingum í gær bjó til þennan úrslitaleik. Leikurinn í Niksic var alveg langt frá því að geta talist fallegur en markmiðið að ná í sigurinn náðist, gæðamunurinn kom í ljós á lokakaflanum og sigurinn nærir. Meira »
Flora Tallinn og Víkingur mætast á morgun í seinni viðureign liðanna í forkeppni Sambandsdeildarinnar.
Meira »
Klukkutíma fyrir leik Stjörnunnar og Breiðabliks var leikskýrslan opinberuð, bæði lið með ellefu menn skráða í sín byrjunarlið og sjö leikmenn á bekknum.
Skömmu síðar eru gerðar nokkrar breytingar á liðsvali Stjörnunnar og menn færðir úr byrjunarliðinu á bekkinn og öfugt. Meira »
Það er ekki langt síðan umræðan var á þá leið að Þorsteinn Halldórsson væri ekki rétti maðurinn í landsliðsþjálfarastarf Íslands. Núna er kominn tími til að setja virðingu á nafnið; hann og liðið hafa unnið sér það inn á síðustu mánuðum, og sérstaklega síðasta föstudagskvöld.
Umræða var um það á kaffistofum landsins fyrir stuttu að það ætti að skipta honum út og liðið væri ekki á réttri leið undir hans stjórn. Það var ekki bara „eitthvað fólk út í bæ" eða „þessir svokölluðu sérfræðingar" sem töluðu þannig, það voru einnig fyrrum landsliðskonur sem gerðu það. Meira »
Þetta gerðist bara í alvörunni.
Það var ógleymanlegt að vera á Wembley í gærkvöldi þegar Ísland vann einn sinn stærsta sigur í fótboltasögunni. Þetta var ekki keppnisleikur, en samt var sigurinn risastór. Það er alltaf þannig þegar þú vinnur England á fótboltavellinum og sérstaklega þegar Englendingar ætla sér að halda eitthvað stórt partý rétt áður en þeir fara á EM. Meira »
Sumir vinnudagar eru skemmtilegri en aðrir og dagurinn í gær fer svo sannarlega í þann flokk. Það var ekkert eðlilega gaman að vera á Wembley þegar íslenska landsliðið mætti og skemmdi partíið.
Íslandi var boðið að taka þátt í sýningu á 'heimili fótboltans' en öllum var sama um okkur gestina. Flestir áhorfendur voru mættir til að sjá hina gríðarlegu hæfileikaríku sóknarleikmenn Englendinga leika sér að Íslendingum og bjuggust við öruggum sigri.
En partíið var fljótt að súrna og þögn slö á 90 þúsund manna Wembley þegar Jón Dagur Þorsteinsson hafði skorað eftir tólf mínútna leik. Skyndilega var andrúmsloftið á þessum magnaða leikvangi eins og á bókasafninu í Gerðubergi.
Maður horfði á leikinn þróast og var í raun aldrei eitthvað hræddur um Englendingar væru að fara að jafna leikinn. Ekki ósvipuð tilfinningunni sem maður fékk í Hreiðrinu í Nice 2016. Áran var einhvern veginn þannig og ég held að leikmenn hafi líka fundið þessa tilfinningu. Meira »
Ég lagði leið mína á KR-völlinn síðastliðna helgi til að horfa á drenginn minn spila fótboltaleik, en hann er á ellefta ári og spilar því í fimmta flokki. Mér brá töluvert þegar leikurinn var að hefjast. Mér varð litið á dómarann sem var ekki mikið eldri en drengirnir sem voru að hefja leik. Hann var kannski árinu eldri, í mesta lagi tveimur árum eldri en leikmennirnir.
Síðast þegar ég vissi þarftu að vera orðinn fimmtán ára til að fá dómararéttindi. Ég hef séð unga dómara áður (flestir undir fimmtán ára aldri) en þessi var sá lang yngsti sem ég hef séð til þessa. Það er hinsvegar ástæða fyrir því að þú verður að vera orðin/n að minnsta kosti fimmtán ára til að hljóta dómararéttindi, sem mér reyndar finnst persónulega vera allt of ungt. Meira »