Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   þri 23. október 2012 14:15
Magnús Már Einarsson
Leikmenn Fjölnis hjálpuðu Carroll að vera lengur á spilavíti
Grafarvogsbúarnir hressir ásamt Andy Carroll í spilavítinu.
Grafarvogsbúarnir hressir ásamt Andy Carroll í spilavítinu.
Mynd: Twitter
Fimm strákar úr Grafarovgi rákust óvænt á Andy Caroll framherja West Ham í spilavíti í London klukkan 8 síðastliðinn sunnudagsmorgun. Reyndar kom það kannski ekki mjög á óvart að Carroll væri á fótum á þessum tíma þar sem hann er mikið fyrir næturlífið.

Carroll var glaður í bragði eftir 4-1 sigur West Ham á Southampton daginn áður og hann var að taka þátt í rúllettu í spilavítinu þegar Grafarvogsbúarnir hittu á hann.

,,Við tókum mynd með honum og vorum aðeins að spjalla við hann. Hann tók vel í þetta," sagði Bergsveinn Ólafsson leikmaður Fjölnis í samtali við Fótbolta.net í dag en hann var einn af þeim sem hitti Carroll.

Bjarni Gunnarsson, Guðmundur Þór Júlíusson og Hjörleifur Þórðarson leikmenn Fjölnis voru einnig með Bergsveini í för sem og félagi þeirra Reynir Már Sveinsson.

Kærasta Carroll vildi fara heim á þeim tímapunkti sem þeir hittu leikmanninn en sjálfur vildi hann klára að taka þátt í rúllettunni.

,,Kærastan hans vildi fara en þá bað hann okkur Gumma um að halda áfram að tala við sig um eitthvað áhugavert til að hann gæti beðið eftir að rúllettan myndi klárast. Hún var alveg vitlaus konan hans en hann var mjög almennilegur og við knúsuðum hann bless á endanum," sagði Bergsveinn léttur í bragði.
Athugasemdir
banner
banner
banner
banner
banner