| fim 21. janúar 2016 18:10 |
|
Topp 20 - Bestu unglingar fótboltaheimsins
Goal.com hefur birt 50 manna lista yfir bestu U18 fótboltamenn heims, leikmennirnir þurfa að vera fæddir eftir 20. janúar 1997. Þetta eru nöfn sem gæti verið málið að setja á minnið. 37 sérfræðingar tóku þátt í valinu en hér að neðan má sjá hvaða tuttugu urðu efstir.
20. JEAN-KEVIN AUGUSTIN | Frakkland & Paris Saint-Germain | 1997 | Æfir með stórstjörnum og hefur sóknarmaðurinn þegar skorað fyrir aðallið PSG.
19. ANDRIJA BALIC | Króatía & Hajduk Split | 1997 | Hárprúður sóknarmiðjumaður sem hefur verið líkt sem blöndu af Luka Modric og Ivan Rakitic.
18. MANU GARCIA | Spánn & Manchester City | 1998 | Hefur þegar skorað fyrir City í deildabikarnum. Sóknarmiðjumaður sem David Silva segir að minni hann á sjálfan sig á sama aldri.
17. VICTOR OSIMHEN | Nígeria | 1998 | Á leið til Wolfsburg í Þýskalandi sem vann kapphlaupið um markakónginn á HM U17 í fyrra.
16. PATRICK ROBERTS | England & Manchester City | 1997 | City eyddi 12 milljónum punda í þennan spennandi vængmann frá Fulham. Hefur fengið sínar fyrstu mínútur með aðalliðinu.
15. SADIQ UMAR | Nígería & Roma | 1997 | Nígeríski sóknarmaðurinn er farinn að skora og skapa sér nafn á Ítalíu.
14. AMADOU DIAWARA | Gínea & Bologna | 1997 | Juventus, Napoli og Chelsea hefur slegið í gegn með Bologna sem uppgötvaði leikmanninn í San Marínó.
13. DONNY VAN DE BEEK | Holland & Ajax | 1997 | Skrifaði nýverið undir nýjan samning við Ajax til 2020 en þessi efnilegi miðjumaður hefur þegar brotið sér leið inn í liðið.
12. GABRIEL JESUS | Brasilía & Palmeiras | 1997 | Gríðarlega snöggur og leikinn framherji sem hefur vakið áhuga Arsenal, Juventus og Roma.
11. VACLAV CERNY | Tékkland & Ajax | 1997 | Vængmaður sem býr yfir hraða og hleypur með boltann eins og hann sé límdur við tærnar. Juventus vill kaupa hann.
10. JOE GOMEZ | England & Liverpool | 1997 | Náði að vinna sér inn sæti í byrjunarliði Liverpool en því miður meiddist bakvörðurinn ungi og spilar ekki meira á tímabilinu.
9. MALCOM | Brasilía & Corinthians | 1997 | Leikmaður sem minnir á Robinho. Juventus og Borussia Dortmund eru meðal félaga sem hafa áhuga en verðmiðinn hljóðar upp á 10 milljónir evra.
8. RENATO SANCHES | Portúgal & Benfica | 1997 | Hefur átt fast sæti hjá Benfica síðustu þrjá mánuði. Stuðningsmenn liðsins eru þegar farnir að elska þennan magnaða miðjumann.
7. ANTE CORIC | Króatía & Dinamo Zagreb | 1997 | Leikmaður sem þegar er hrikalega öflugur. Dinamo Zagreb er duglegt að framleiða leikmenn og Real Madrid og Chelsea hafa áhuga á Coric.
6. GERSON | Brasilía & Roma | 1997 | Roma vann harða baráttu um þennan örvfætta kantmann sem getur leikið á báðum vængjum. Er með hæfileika til að slá í gegn á Ítalíu.
5. MARTIN ÖDEGAARD | Noregur & Real Madrid | 1998 | Umtalaðasti unglingurinn hefur ekki verið í sviðsljósinu síðan hann fór til Real. Gleymum því samt ekki að hann er nýorðinn 17 ára. Zinedine Zidane veit vel hvað hann kann.
4. RUBEN NEVES | Portúgal & Porto | 1997 | Einn sá umtalaðasti í portúgalska boltanum. Varð yngsti fyrirliði í sögu Meistaradeildarinnar þegar hann bar bandið gegn Maccabi Haifa. Frábær leikskilningur og honum er líkt við Andria Pirlo.
3. GIANLUIGI DONNARUMMA | Ítalía & AC Milan 1999 | Sextán ára er hann orðinn aðalmarkvörður AC Milan. Ógnarstór en kvikur og góður í fótunum. Ítalir hafa ekki séð annað eins síðan Gianluigi Buffon braust fram á sjónarsviðið.
2. BREEL-DONALD EMBOLO | Sviss & Basel | 1997 | Kraftmikill sóknarmaður sem er erfiður viðureignar og góður með boltann. Juventus, Wolfsburg, Chelsea og Arsenal eru meira en til í hann.
1. YOURI TIELEMANS | Belgía & Anderlecht | 1997 | Hefur fest sig í byrjunarliði Anderlecht síðan hann var 16 ára og er með 18 leiki í Meistaradeildinni á bakinu. Stýrir spilinu fyrir framan vörnina eins og hann sé þaulreyndur og býr yfir gríðarlegu sjálfsöryggi. Það er bara tímaspursmál hvenær hann fer í stórlið.
Athugasemdir
Nýjustu fréttirnar
11:30
10:00
