Gary Martin, framherji KR, er líklega á leið í annað hvort Breiðablik eða Víking R.
Gary hefur átt í viðræðum við bæði Breiðablik og Víking og samkvæmt heimildum Fótbolta.net stendur valið á milli þessara félaga.
Gary hefur átt í viðræðum við bæði Breiðablik og Víking og samkvæmt heimildum Fótbolta.net stendur valið á milli þessara félaga.
Baldur Stefánsson varaformaður knattspyrnudeildar KR, staðfesti í samtali við Fótbolta.net í dag að nokkur félög hafi boðið í Gary undanfarið.
FH hefur einnig sýnt Gary áhuga en hins vegar bendir allt til þess að hann fari í Breiðablik eða Víking.
Gary spilaði ekki með KR í 1-1 jafntefli gegn Haukum í gær en Baldur sagði við Fótbolta.net í morgun að það tengist tilboðunum ekki.
Hins vegar er óljóst hvort Gary fari með KR til Florida í æfingaferð á morgun en hans mál gætu skýrst betur í kvöld.
Hinn 25 ára gamli Gary kom til KR frá ÍA sumarið 2012. Hann var markahæstur í Pepsi-deildinni 2014 en í fyrra átti hann ekki alltaf fast sæti í liðinu.
Athugasemdir
