Verratti og liðsfélagar hans í PSG fóru í skimun á æfingasvæði félagsins í dag og kom í ljós að miðjumaðurinn knái hefði greinst með jákvætt próf.

Hann er nú á leið í sóttkví og verður ekki með liðinu gegn Bayern í næstu viku.

Þetta er í annað sinn sem hann smitast af veirunni en hann greindist með hana í lok janúar og missti af tveimur leikjum áður en hann kom aftur inn í liðið fyrir leikinn gegn Marseille.

Hann hefur spilað 26 leiki á tímabilinu og lagt upp sex mörk en PSG er í harðri toppbaráttu við Lille, Lyon og Mónakó.