AC Milan hefur lagt fram tilboð í Mohamed Simakan, varnarmann Strasbourg í Frakklandi.
Milan er í leit að miðverði og passar Simakan vel inn í hugmyndafræði Milan.
Franski varnarmaðurinn er 20 ára gamall og hefur verið að spila vel með Strasbourg í frönsku deildinni.
Samkvæmt Goal.com hefur Milan lagt fram 15 milljón evra tilboð í leikmanninn en þýska félagið RB Leipzig er einnig sagt hafa áhuga á honum.
Milan reyndi að kaupa hann frá Strasbourg síðasta sumar en ítalska félagið var þó ekki reiðubúið að greiða uppsett verð. Nú er staðan önnur og er talið afar líklegt að hann eigi eftir að færa sig um set áður en glugginn lokar.
Athugasemdir