Það eru fjórir leikir á dagskrá í efstu deild ítalska boltans í dag og hefst veislan þegar Spezia tekur á móti toppliði Napoli í hádeginu.
Napoli hefur verið á frábæru skriði og er með 13 stiga forystu á toppi deildarinnar. Félagið stefnir á sinn fyrsta Ítalíumeistaratitil í rúm 30 ár og getur komist skrefi nær með sigri á þessum erfiða útivelli hér í dag.
Torino og Udinese eigast svo við áður en Fiorentina tekur á móti Bologna en í kvöld er stórleikur á dagskrá, þar sem Inter og AC Milan eigast við í nágrannaslagnum um La Madonnina, styttuna sem trónir á toppi heimsfrægrar dómkirkju í Mílanó.
Inter og Milan eru þar að eigast við í annað sinn á stuttum tíma eftir að Inter rúllaði yfir Ítalíumeistarana í Ofurbikarnum 18. janúar.
Leikur kvöldsins verður gífurlega spennandi þar sem bæði lið þurfa sigur eftir að hafa dregist afturúr Napoli í titilbaráttunni.
Það verður áhugavert að fylgjast með hvort rúmenski markvörðurinn Ciprian Tatarusanu haldi byrjunarliðssætinu sínu eftir skelfilega frammistöðu í undanförnum leikjum. Tatarusanu er til vara fyrir Mike Maignan sem er enn að glíma við meiðsli, en Milan krækti sér í annan varamarkvörð í janúar - hinn kólumbíska Devis Vasquez.
Maignan gæti snúið aftur fyrir viðureign Milan gegn Tottenham í útsláttarkeppni Meistaradeildarinnar 14. febrúar.
Leikir dagsins:
11:30 Spezia - Napoli
14:00 Torino - Udinese
17:00 Fiorentina - Bologna
19:45 Inter - Milan
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Napoli | 37 | 23 | 10 | 4 | 57 | 27 | +30 | 79 |
| 2 | Inter | 37 | 23 | 9 | 5 | 77 | 35 | +42 | 78 |
| 3 | Atalanta | 37 | 22 | 8 | 7 | 76 | 34 | +42 | 74 |
| 4 | Juventus | 37 | 17 | 16 | 4 | 55 | 33 | +22 | 67 |
| 5 | Roma | 37 | 19 | 9 | 9 | 54 | 35 | +19 | 66 |
| 6 | Lazio | 37 | 18 | 11 | 8 | 61 | 48 | +13 | 65 |
| 7 | Fiorentina | 37 | 18 | 8 | 11 | 57 | 39 | +18 | 62 |
| 8 | Bologna | 37 | 16 | 14 | 7 | 56 | 44 | +12 | 62 |
| 9 | Milan | 37 | 17 | 9 | 11 | 59 | 43 | +16 | 60 |
| 10 | Como | 37 | 13 | 10 | 14 | 49 | 50 | -1 | 49 |
| 11 | Torino | 37 | 10 | 14 | 13 | 39 | 43 | -4 | 44 |
| 12 | Udinese | 37 | 12 | 8 | 17 | 39 | 53 | -14 | 44 |
| 13 | Genoa | 37 | 9 | 13 | 15 | 34 | 48 | -14 | 40 |
| 14 | Cagliari | 37 | 9 | 9 | 19 | 40 | 54 | -14 | 36 |
| 15 | Verona | 37 | 9 | 7 | 21 | 32 | 65 | -33 | 34 |
| 16 | Parma | 37 | 6 | 15 | 16 | 41 | 56 | -15 | 33 |
| 17 | Empoli | 37 | 6 | 13 | 18 | 32 | 57 | -25 | 31 |
| 18 | Lecce | 37 | 7 | 10 | 20 | 26 | 58 | -32 | 31 |
| 19 | Venezia | 37 | 5 | 14 | 18 | 30 | 53 | -23 | 29 |
| 20 | Monza | 37 | 3 | 9 | 25 | 28 | 67 | -39 | 18 |
