Óvissa ríkir um það hversu mörgum leikjum sóknarmaðurinn Pierre-Emerick Aubameyang nær með Gabon í Afríkukeppninni. Hann greindist með Covid eftir að liðið lenti í Kamerún.
Þessi 32 ára leikmaður er fyrirliði Gabon. Hann missti fyrirliðabandið hjá Arsenal og hefur verið úti í kuldanum hjá enska félaginu vegna agabrota.
Þessi 32 ára leikmaður er fyrirliði Gabon. Hann missti fyrirliðabandið hjá Arsenal og hefur verið úti í kuldanum hjá enska félaginu vegna agabrota.
Aubameyang var að skemmta sér með liðsfélögum sínum í Dubai áður en haldið var til Kamerún, þar sem Afríkukeppnin fer fram.
Gabon á að mæta Kómoreyjum í fyrsta leik sínum á mótinu á mánudaginn og leikur svo gegn Gana og Marokkó.
Aubameyang er markahæsti leikmaður í sögu Gabon en hann gæti misst af einum eða fleiri leikjum í Afríkukeppninni.
Uppfært: Tveir aðrir í herbúðum Gabon greindust einnig með veiruna: Mario Lemina, miðjumaður Nice, og aðstoðarþjálfarinn Anicet Yala.
Athugasemdir