Arsenal var mögulega óheppið að fá ekki vítaspyrnu í dag er liðið spilaði við Burnley í ensku úrvalsdeildinni.
Atvikið átti sér stað í seinni hálfleik en boltinn fór þá í hönd Eric Pieters hjá Burnley sem var í baráttunni við Nicolas Pepe.
VAR ákvað í fyrstu að dæma vítaspyrnu fyrir Arsenal en ákvörðunin var síðar tekin til baka.
Margir hafa kvartað yfir þessari ákvörðun og þar á meðal Mikel Arteta, stjóri Arsenal, sem sagði að um víti hafi verið að ræða eftir leik.
Joe Cole, sérfræðingur BT Sport, var á sama máli og segir ótrúlegt að Arsenal hafi ekki fengið vítaspyrnuna.
„Það er í raun ótrúlegt að VAR hafi ekki náð þessu rétt. Þetta er augljóst víti að mínu mati," sagði Cole.
Leiknum lauk að lokum með 1-1 jafntefli og hefði vítaspyrnan því verið kærkomin fyrir gestaliðið.
This. Wasn’t. Given.
— ㅤAaron (@ReidTheGame) March 6, 2021
pic.twitter.com/D1GMNglCKg
Athugasemdir