Hann er þrítugur kantmaður sem hefur þrisvar sinnum orðið Íslandsmeistari og tvisvar sinnum bikarmeistari sem leikmaður Vals en þar hefur hann verið frá árinu 2013. Sigurður kom við sögu í 21 deildarleik í fyrra og skoraði fimm mörk þegar Valur endaði í fimmta sæti í deildinni.

Sigurður Egill virðist ekki vera inn í myndinni hjá Val akkúrat núna. Heimir Guðjónsson, þjálfari Vals, var spurður út í það hvort leikmaðurinn væri ekki pirraður á þessari stöðu.

„Á ég að svara þeirri spurningu? Þú verður að spyrja hann að því," sagði Heimir.

Kantmaðurinn öflugi hefur verið orðaður við önnur félög, þar á meðal FH. Ólafur Jóhannesson, þjálfari FH, segir hins vegar Sigurður Egill sé ekki á leið til félagsins.

Gæti hann komið í FH? „Nei," sagði Ólafur.