„Ég er mjög stoltur," sagði Klopp sem gerði átta breytingar á liði sínu. Þrátt fyrir það náði liðið í sigur gegn toppliði ítölsku úrvalsdeildarinnar.

„Við völdum þetta lið því við vildum vinna leikinn. Við þurftum ferskar fætur. Við þurftum að þrá sigur sem er erfitt því við erum að spila svo marga leiki. Það er erfitt að mæta alltaf alveg klár í næsta leik."

„Ég gæti ekki verið stoltari af því sem strákarnir gerðu í kvöld. Þetta var ótrúlegur leikur og ég er mjög ánægður. Frammistaðan var framúrskarandi."

Miðvörðurinn Nat Phillips kom sterkur inn. Hann tók áhugaverðan snúning í leiknum og fór illa með leikmann Milan.

„Hann var mjög góður," sagði Klopp og var spurður út í snúninginn sem Phillips tók. Sá þýski hló og sagði: „Ég hlakka til að sjá þetta gerast aftur."