Selfoss er á toppi deildarinnar með 13 stig en liðið vann 2-0 útisigur gegn Þór þar sem Gonzalo Zamorano og Hrvoje Tokic skoruðu og eru þeir báðir í liðinu.

Þrjú lið eru með 10 stig; Fylkir, Grótta og Fjölnir. Grótta skoraði jöfnunarmark djúpt í uppbótartíma gegn Aftureldingu en 2-2 urðu lokatölur leiksins. Jón Ívan Rivine markvörður Gróttu hafði nóg að gera og var valinn maður leiksins en hann hefur verið fjórum sinnum í úrvalsliðinu í fyrstu fimm umferðunum. Jökull Jörvar Þórhallsson var besti maður Aftureldingar og skoraði annað mark liðsins.

Fjölnir vann 3-1 sigur gegn KV þar sem sigurinn reyndist erfið fæðing. Hinn nítján ára gamli Lúkas Logi Heimisson var valinn maður leiksins.

Grindavík er með 9 stig og Kórdrengir 6 en liðin gerðu 1-1 jafntefli í Safamýri. Nathan Dale er fulltrúi Kórdrengja í liði umferðarinnar en Kristófer Páll Viðarsson skoraði mark Grindavíkur úr aukaspyrnu og er einnig í liðinu.

Fyrri úrvalslið Lengjudeildarinnar:
Lið 4. umferðar
Lið 3. umferðar
Lið 2. umferðar
Lið 1. umferðar