Fiorentina hefur sent frá sér yfirlýsingu þar sem félagið gagnrýnir hegðun stuðningsmanna West Ham. Leikmaður ítalska liðsins, Cristiano Biraghi, blóðgaðist eftir að plastglösum og öðru lauslegu var kastað í hann úr stúkunni.
West Ham vann 2-1 þegar liðin mættust í úrslitaleik Sambandsdeildarinnar í Prag í gær.
West Ham vann 2-1 þegar liðin mættust í úrslitaleik Sambandsdeildarinnar í Prag í gær.
Í yfirlýsingu Fiorentina fordæmir félagið þessa hegðun áhorfenda.
„Þessi óásættanlega hegðun hafði áhrif á frammistöðu leikmannsins og liðsfélaga hans, athygli þeirra fór frá fótboltanum og þeir óttuðust um eigið öryggi," segir í yfirlýsingunni.
Félagið segist treysta UEFA til að rannsaka þessa hegðun ofan í kjölinn og þeir seku látnir axla ábyrgð. Rocco Commisso, forseti Fiorentina, sagði eftir leikinn að stuðningsmenn West Ham hefðu hegðað sér eins og villt dýr.
Athugasemdir