Það kom upp óvenjuleg staða í Kórnum þar sem leikur HK og KR átti að hefjast klukkan 19:15.
Það er seinkun á leiknum þar sem það kom í ljós að annað markið er brotið.
Lestu um leikinn: HK 0 - 0 KR
„Leikurinn mum ekki hefjast 19:15 eins og áætlað var að það er annað markið í Kórnum var brotið og ekki hægt að setja leikinn af stað. Starfsmenn HK vinna hörðum höndum að redda nýju marki. Ótrúlegt atvik," skrifar Anton Freyr Jónsson í textalýsinguna.
Óvíst er að svo stöddu hvenær leikurinn getur farið af stað.
Þetta er fyrsti leikurinn hjá KR með Óskar Hrafn Þorvaldsson í þjálfarateyminu. Þá spilar Gyrðir Hrafn Guðbrandsson sinn fyrsta leik fyrir félagið. Þá er danski markvörðurinn Christoffer Petersen að spila sinn fyrsta leik fyrir HK.
Leikurinn átti upphaflega að fara fram í gær en var færður þar sem það var verið að leggja nýtt gervigras á völlinn í Kórnum.
Uppfært kl 19:47 Leiknum hefur verið frestað.
„Markið sem skokkað var með inn á stóðst ekki kröfur tríósins og Arnar hefur tekið ákvörðun um að fresta leiknum," skriifar Anton Freyr Jónsson í textalýsinguna.
MARKIÐ ER KOMIÐ pic.twitter.com/NolbNJZzOk
— Jón Kári Eldon (@jonkarieldon) August 8, 2024
