Ricardo Quaresma er búinn að skrifa undir samning við Vitoria SC sem leikur í efstu deild portúgalska boltans.
Quaresma verður 37 ára í lok september en þessi geysivinsæli kantmaður hefur spilað 80 landsleiki fyrir Portúgal. Auk þess hefur hann stoppað við hjá félögum á borð við Barcelona, Porto og Inter á ferlinum.
Quaresma er oft kallaður O Cigano á portúgölsku, eða 'Sígauninn' á íslensku, þar sem hann er af sígaunaættum. Kantmaðurinn tók þó upp kaþólska trú í júlí 2016 og er með sálm úr biblíunni húðflúraðan á hausnum.
Quaresma er kynntur með skemmtilegu myndbandi, þar sem hann afþakkar Mustang bifreið sem honum er boðin og mætir þess í stað ríðandi á hvítum hesti.
Long Live the KING 👑
— Vitória Sport Clube (@VitoriaSC1922) September 7, 2020
A Dinastia 𝕼uaresma começa agora 🐎
@07RQuaresma pic.twitter.com/9XoMungfDq
Athugasemdir