Willum Þór Willumson skoraði sitt fyrsta mark fyrir Bate Borisov þegar liðið mætti Isloch Minskiy Rayon í bikarnum í dag.
Þetta var fyrsti leikur Willums fyrir Bate Borisov.
Þetta var fyrsti leikur Willums fyrir Bate Borisov.
Mark Willums kom á 34. mínútu leiksins en liðsmenn Isloch jöfnuðu metin tæpum tveimur mínútum síðar. Fleiri mörk voru ekki skoruð í leiknum og jafntefli því niðurstaðan. Eftir leikinn var Willum síðan valinn maður leiksins.
Liðin mætast aftur á fimmtudaginn og þá kemur í ljós hvaða lið fer áfram í næstu umferð bikarsins.
BATE er langstærsta félagið í Hvíta-Rússlandi en það hefur orðið meistari þar í landi þrettán ár í röð. Í Hvíta-Rússlandi er sumardeild en nýtt tímabil þar hefst í kringum mánaðarmótin mars/apríl.
Hinn tvítugi Willum var valinn efnilegasti leikmaður Pepsi-deildarinnar hjá Fótbolta.net á síðasta tímabili.
Willum þór er búinn að skora í sínum fyrsta leik með BATE Borisov í bikarleik gegn Isloch Minskiy Rayon. Staðan í hálfleik er 1-1.
— Blikar.is (@blikar_is) March 9, 2019
Athugasemdir
