Samningsviðræður hafa staðið yfir í töluverðan tíma en hins vegar er enn ekkert klárt í þessum málum.

Inter og Juventus eru sögð hafa mikinn áhuga á leikmanninum en þá hefur hann einnig verið orðaður við Chelsea og Manchester United.

Hakan Calhanoglu og Gianluigi Donnarumma verða lausir allra mála hjá Milan þann 1. júlí og því ljóst að þeir gætu endað hvar sem er.

Calhanoglu ku vilja fá hærri laun en Milan er að bjóða og það er að koma í veg fyrir að hann kroti undir. Tyrkinn má nú þegar byrja að ræða við önnur lið.

Hakan er algjör lykilmaður hjá AC Milan og tyrkneska landsliðinu og því ríkir mikil óvissa um hvar þessi öflugi spyrnumaður endar.