Arnór Ingvi Traustason spilaði tæpan hálftíma í 1-0 sigri Malmö á Falkensberg í sænsku úrvalsdeildinni í dag. Arnór kom inn á sem varamaður á 63. mínútu leiksins.

Malmö, sem er á toppi deildarinnar eftir fjórtán leiki, missti mann af velli snemma leiks þegar Thelin fékk beint rautt spjald. Það kom þó ekki að sök því Jo Inge Berget skoraði á tíundu mínútu leiksins og reyndist það vera sigurmarkið.

Malmö á toppi deildarinnar eins og áður sagði en Falkensberg er í 14. sæti deildarinnar í bullandi fallbaráttu.

Óskar Sverrisson var þá ekki í leikmannahópi Hacken sem tapaði gegn Kalmar.