Bristol City er búið að staðfesta komu Chris Brunt til félagsins á frjálsri sölu eftir þrettán ár í herbúðum West Bromwich Albion.
Brunt verður 36 ára gamall í desember og á hann 421 leik að baki fyrir West brom, langflesta þeirra í ensku úrvalsdeildinni.
Brunt er gríðarlega fjölhæfur miðjumaður sem hefur oft verið notaður í vinstri bakverði, á vinstri kanti eða sem sóknartengiliður fyrir aftan fremsta mann.
Bristol City stefnir á umspilsbaráttuna á næstu leiktíð eftir að hafa endað um miðja deild á síðasta tímabili.
Hann er frá Norður-Írlandi og spilaði 65 landsleiki frá 2004 til 2017.
INTRODUCING... pic.twitter.com/aWohG1cKOQ
— Bristol City FC (@BristolCity) September 7, 2020
Athugasemdir