Patrik Johannesen, leikmaður Breiðabliks, sleit krossband þegar Breiðablik mætti Stjörnunni á fimmtudag í síðustu viku. Hann verður því ekki meira með á þessu tímabili.
Óskar Hrafn Þorvaldsson, þjálfari Breiðabliks, staðfesti tíðindin í samtali við Fótbolta.net í dag. Patrik fór í myndatöku á mánudag.
Óskar Hrafn Þorvaldsson, þjálfari Breiðabliks, staðfesti tíðindin í samtali við Fótbolta.net í dag. Patrik fór í myndatöku á mánudag.
Patrik þurfti að fara af velli í fyrri hálfleik. Hann reyndi að stöðva Eggert Aron Guðmundsson, leikmann Stjörnunnar, á sprettinum en varð sjálfur fyrir þessum hræðilegu meiðslum.
Patrik er 27 ára gamall færeyskur landsliðsmaður sem byrjaði fyrstu fimm leiki Breiðabliks á tímabilinu.
Hann varð í vetur dýrasti leikmaður sem keyptur hefur verið mili félaga á Íslandi þegar Breiðablik keypti hann frá Keflavík.
Patrik var búinn að skora eitt mark í fyrstu fjórum leikjum mótsins og ljóst er að hann skorar ekki fleiri á þessu tímabili.
Sjá einnig:
Kröfur sem koma með verðmiðanum - „Breiðablik alltaf númer eitt"
Athugasemdir
