Það er búið að draga í enska bikarnum og ljóst er hvaða lið mætast í 8-liða úrslitum keppninnar.
Einn leikur er enn í gangi í 16-liða úrslitum en Barnsley og Chelsea spila nú í síðustu viðureigninni.
Leicester City mun leika við Manchester United í næstu umferð en spilað er á King Power vellinum, heimavelli þess fyrrnefnda.
Gylfi Þór Sigurðsson og félagar í Everton mæta þá Manchester City á heimavelli sínum Goodison Park.
Gylfi var frábær í gær er Everton vann Tottenham 5-4 í framlengdum leik og lagði upp þrjú mörk ásamt því að skora eitt.
Championship lið Bournemouth mætir Southampton og þá mun annað hvort Chelsea eða Barnsley leika við Sheffield United.
Drátturinn:
Everton vs Manchester City
AFC Bournemouth vs Southampton
Leicester vs Manchester United
Barnsley/Chelsea vs Sheffield United
Athugasemdir