Selfoss 1 - 1 Stjarnan
1-0 Miranda Nild ('18)
1-1 Gyða Kristín Gunnarsdóttir ('38)
Fimmtánda umferð Bestu deildar kvenna hófst í kvöld með einum leik. Selfoss fékk Stjörnuna í heimsókn.
Bæði lið fengu tækifæri til að hífa sig upp töfluna en Stjarnan þurfti sigur til að komast í 2. sætið upp fyrir Breiðablik. Selfoss nægði jafntefli til að fara upp í 5. sætið upp fyrir ÍBV.
Heimakonur byrjuðu betur en Miranda Nild kom boltanum í autt markið eftir tæplega tuttugu mínútna leik. Gyða Kristín Gunnarsdóttir jafnaði metin undir lok fyrri hálfleiks eftir mistök í vörn Selfyssinga.
Ingibjörg Lúcía Ragnarsdóttir fékk tækifæri undir lok leiksins að tryggja Stjörnunni stigin þrjú en TIffany Sompao varði glæsilega í marki Selfyssinga og tryggði þeim um leið eitt stig.