Á meðan íslenska landsliðið æfði í dag fóru Raggi og Kári á æfingu með Frikka sjúkraþjálfara og röltu fram og til baka.

Kári er búinn að losa sig við gönguspelkuna og virtist ekki haltra þegar hann rölti um. Þess má geta að hann á 38 ára afmæli í dag og fær að sjálfsögðu afmæliskveðjur frá Fótbolta.net.

Leikur Íslands og Belgíu verður annað kvöld en mögulegt er að leikurinn sé í hættu þar sem óstaðfestar grunsemdir hafa vaknað um smit í umhverfi íslenska landsliðsins eins og greint var frá í dag.