Margir leikmenn Liverpool hafa fengið litla sem enga hvíld undanfarin ár.

„Það er spurning hvort Klopp hefði átt að hugsa lengra fram í tímann og fylgjast með mínútum leikmanna og hugsa hvenær hann geti gefið þeim frí í staðinn fyrir að lenda í því að 3-4 leikmenn séu ekki með sama orkustig á sama tíma."

„Það eru fimm meiddir og síðan ertu með stólpa í liðinu sem eru ekki 100% og það eru ekki mörg lið sem ráða við það," sagði Eiður.

Gylfi Einarsson benti á að Liverpool sé ekki að fá mikið af mörkum frá öðrum leikmönnum en fremstu mönnum.

„Þegar Salah er ekki að skora þá þarftu að fá mörk af miðjunni og það er ekki að gerast," sagði Gylfi.

"Þeir eru bara mannlegir," sagði @Eidur22Official í Vellinum í gærkvöldi um leikmenn Liverpool sem hafa glímt við mikil meiðsli og keyrt lengi á sömu lykilmönnunum en meistararnir töpuðu fyrir Leicester um helgina. pic.twitter.com/wIaeVwmMNJ

— Síminn (@siminn) February 15, 2021