Jack Harrison, kantmaður Leeds, fór á kostum í dag þegar lið hans vann flottan sigur gegn West Ham í ensku úrvalsdeildinni í dag.
Harrison skoraði öll mörk Leeds í leiknum. Lokatölur 3-2 fyrir Leeds í Lundúnum. Mikilvæg stig í botnbaráttunni en liðið er nú í 15. sæti með 22 stig en West Ham áfram í 4. sætinu með 37 stig.
Harrison er núna búinn að skora sjö mörk í 17 deildarleikjum á þessu tímabili. Hann er að eiga virkilega gott tímabil.
Þessi fyrrum leikmaður Manchester City er núna búinn að skora jafnmargar þrennur og sjálfur Cristiano Ronaldo í ensku úrvalsdeildinni; þeir eru báðir búnir að skora eina þrennu.
Ronaldo hefur skorað fjölmargar þrennur á sínum glæsta ferli en eina þrenna hans í ensku úrvalsdeildinni kom gegn Newcastle í janúar 2008.
Ronaldo sneri aftur til Man Utd síðasta sumar og á möguleika á því að bæta í þrennusafnið með félaginu.
The perfect way to kickstart a memorable #MUFC hat-trick from @Cristiano 🎯#GoalOfTheDay pic.twitter.com/LBUNnGJshY
— Manchester United (@ManUtd) January 12, 2020
Athugasemdir