ÍR hefur sagt Ásgeiri Aroni Ásgeirssyni upp störfum sem þjálfara liðsins í 2. deild karla. Þetta kemur fram í tilkynningu frá ÍR á Facebook síðu félagsins.
Ásgeir tók við liðinu fyrir tímabilið eftir að Brynjar Þór Gestsson hætti vegna persónulegrar ástæðna. Ásgeir Aron var aðstoðarþjálfari Brynjars Þórs en ÍR féll úr Inkasso-deildinni á síðustu leiktíð.
Ásgeir tók við liðinu fyrir tímabilið eftir að Brynjar Þór Gestsson hætti vegna persónulegrar ástæðna. Ásgeir Aron var aðstoðarþjálfari Brynjars Þórs en ÍR féll úr Inkasso-deildinni á síðustu leiktíð.
Jóhannes Guðlaugsson sem hefur verið aðstoðarþjálfari Ásgeirs Arons tekur nú alfarið við liðinu.
„Ásgeiri Aron eru þökkuð fórnfús störf í þágu knattspyrnunnar hjá ÍR og óskað velgengni í komandi verkefnum hans sem þjálfari," segir í tilkynningunni frá ÍR.
Liðið hefur byrjað sumarið illa og er liðið í 10. sæti deildarinnar en þeir unnu Fjarðabyggð í gær 2-0. ÍR er með átta stig að loknum sjö umferðum, þremur stigum frá fallsæti.
Athugasemdir