Enski táningurinn Jamie Bynoe-Gittens hefur verið verðlaunaður með nýjum samningi við Borussia Dortmund. Hann kom inn af bekknum og átti stóran þátt í endurkomu Dortmund sem var 1-0 undir gegn Freiburg í annarri umferð þýska deildartímabilsins.
Nýr samningur Bynoe-Gittens gildir til 2025 en hann er aðeins nýbúinn að eiga 18 ára afmæli. Hann á fimmtán leiki að baki fyrir yngri landslið Englands og kom til Dortmund úr herbúðum Manchester City fyrir tveimur árum.
Táningurinn kom við sögu í fjórum leikjum með Dortmund á síðustu leiktíð og hefur nú þegar tekið þátt í tveimur leikjum á nýju tímabili.
Dortmund stal Bynoe-Gittens af Man City eins og öðrum leikmönnum sem telja Dortmund vera betri stökkpall á þessu stigi ferilsins, enda er félagið þekkt fyrir að nota unga leikmenn óspart.
Sjá einnig:
Man City missir annan ungan leikmann til Dortmund
Unglingar í aðalhlutverki í endurkomu Dortmund
