David Beckham, fyrrum landsliðsfyrirliði Englands, táraðist við kistu Elísabetar Englandsdrottningar í dag en hann hafði beðið í röð í um þrettán klukkustundir til að votta henni virðingu sína.
Hann sagði við fjölmiðla að það væri mjög sérstakt að vera þarna en árið 2003 tók hann við OBE-orðu frá drottningunni.
„Það hafði alltaf sérstaka þýðingu að bera fyrirliðabandið, klæðast landsliðstreyjunni og syngja 'God Save Our Queen'. Þetta var alltaf að fara að verða erfiður dagur," sagði Beckham.
Beckham mætti klukkan 2 um nóttina í röðina. „Ég hélt að þetta myndi þá ganga hraðar fyrir sig en ég hafði rangt fyrir mér," sagði Beckham.
David Beckham waited 13 hours in the queue at Westminster Hall to pay his respects to Queen Elizabeth II. pic.twitter.com/x9fXUvhksk
— Sky Sports News (@SkySportsNews) September 16, 2022
Athugasemdir