Garth Crooks sérfræðingur BBC velur úrvalslið umferðarinnar í ensku úrvalsdeildinni. Arsenal og Úlfarnir eiga flesta fulltrúa í liðinu eftir flotta sigra um helgina sem var að líða.
Markvörður: Ederson (Man City) - Sá til þess að City lenti ekki 2-0 undir gegn Chelsea.
Varnarmaður: Nelson Semedo (Wolves) - Varðist frábærlega og sótti af sama krafti í sigri gegn Spurs.
Varnarmaður: Lewis Dunk (Brighton) - Fór fyrir sínu liði í 5-0 sigri gegn Sheffield United.
Varnarmaður: Murillo (Nottingham Forest) - Sýndi varnarleik í hæsta klassa í sigri gegn West Ham. Viljugur til að henda sér fyrir skot og bjarga þannig marki.
Miðjumaður: Raheem Sterling (Chelsea) - Kom inn á og breytti leiknum gegn Crystal Palace í byrjun síðustu viku. Hann byrjaði svo gegn Man City og skoraði flott mark.
Miðjumaður Martin Ödegaard (Arsenal) - Gerði Burnley lífið leitt.
Miðjumaður: Joao Gomes (Wolves) - Skoraði bæði mörkin í sigri Úlfanna gegn Tottenham.
Miðjumaður: Bukayo Saka (Arsenal) - Leikmaður í heimsklassa.
Sóknarmaður: Mohamed Salah (Liverpool) - Sneri til baka úr meiðslum með látum.
Sóknarmaður: Rasmus Höjlund (Man Utd) - Er sjóðandi heitur og skoraði tvennu gegn Luton.
Sóknarmaður: Ollie Watkins (Aston Villa) - Skoraði tvennu í sterkum útisigri gegn Fulham.
Athugasemdir
