Sandra Sigurðardóttir spilaði leik númer 300 í efstu deild kvenna hér á landi er Valur lagði ÍBV að velli í gærkvöldi.
ÍBV tók forystuna á heimavelli en Valur sneri taflinu við og urðu lokatölur 2-4.
Þetta er flottur áfangi fyrir Söndru sem er 34 ára gömul og hefur spilað fyrir Þór/KA og Stjörnuna auk Vals í íslenska boltanum.
Sandra á 35 landsleiki að baki fyrir A-landslið kvenna og 15 fyrir yngri liðin.
Hún er langleikjahæst í sögu efstu deildar. Dóra María Lárusdóttir, samherji Söndru, er í öðru sæti með 255 leiki.
Athugasemdir
