Sigdís Eva Bárðardóttir og Aron Elís Þrándarson, leikmenn Víkings.
Núna klukkan 14:00 hefst leikur Vestra og Víkings í Bestu deild karla, en Víkingar frumsýna nýja varatreyju í leiknum.
„Treyjan er óður til samfélagsins í 108; hverfinu sem tók félaginu opnum örmum árið 1953 og er sameinað undir merki Víkings tæpum 70 árum síðar," segir í tilkynningu Víkings.
„Treyjan er óður til samfélagsins í 108; hverfinu sem tók félaginu opnum örmum árið 1953 og er sameinað undir merki Víkings tæpum 70 árum síðar," segir í tilkynningu Víkings.
Treyjan er hvít sem er hinn hefðbundni litur á varatreyju Víkings, allt frá stofnun félagsins. Götukort af 108 hverfinu er í forgrunni, það nær yfir brjóst, hægri öxl og ermi. Heimavöllur félagsins að Traðarlandi 1 er merktur á kortið með félagsmerki félagsins.
Aftan á hálsmáli treyjunnar er stofnunarár Víkings, 1908 þar sem póstnúmer hverfisins, 108 er dregið fram úr ártalinu. Innan í hálsmáli treyjunnar er setningin: „Finnur mig í Hverfinu“ sem er tilvísun í lagið “Hverfinu” eftir Gísla Pálma.
Hvað finnst þér um þessa treyju?
Ítalski stærðfræðingurinn Leonardo Fibonacci hélt því fram að talan 108 táknaði heild tilverunnar. Við erum sammála þeim útreikningum.https://t.co/t9ltroSnvx pic.twitter.com/zutgQLzYUt
— Víkingur (@vikingurfc) May 20, 2024
Athugasemdir
