Jesse Lingard er genginn til liðs við nýliða Nottingham Forest en hann gerir eins árs samning við félagið.
Lingard yfirgaf Manchester United þegar samningur hans við félagið rann út í sumar. Hann var á láni hjá West Ham fyrri hluta ársins 2021 og var mikið orðaður við endurkomu til Lundúnarliðsins.
Hann er uppalinn hjá Man Utd en hann lék sinn fyrsta leik tímabilið 2014/15. Hann náði aldrei að festa sig almennilega í sessi hjá liðinu.
Þessi 29 ára gamli Englendingur er tíundi leikmaðurinn sem Forest fær til sín í sumar. Áður komu þeir Taiwo Awoniyi, Dean Henderson, Giulian Biancone, Moussa Niakhate, Omar Richards, Neco Williams, Wayne Hennessey, Brandon Aguilera, Harry Toffolo og Lewis O'Brien.
Forest eru nýliðar í ensku úrvalsdeildinni á næstu leiktíð.
Welcome to Nottingham Forest, @JesseLingard ❤️
— Nottingham Forest FC (@NFFC) July 21, 2022
🌳🔴 #NFFC | #PL
Athugasemdir