Sky í Þýskalandi greinir frá því í dag að Bayern Munchen hafi áhuga á að ráða Mauricio Pochettino sem þjálfara.
Pochettino var í vikunni rekinn frá Tottenham eftir fimm og hálft ár í starfi en Jose Mourinho tók við keflinu af honum.
Bayern rak Niko Kovac á dögunum og Hans Flick stýrir liðinu þessa dagana.
Bayern vill núna ráða Pochettino til starfa en óljóst er hvort að hann myndi taka við liðinu strax eða næsta sumar ef af yrði.
Pochettino gæti tekið frí fram á sumar áður en hann tekur við en þá hefði hann einnig tíma til að læra þýsku.
Athugasemdir
