22.01.23 - 09:49
Elvar Geir Magnússon
Manga Escobar flúði Ísland eftir fangelsisdóm
Manga Escobar í leik hér á landi.
Mynd: Fótbolti.net - Hafliði Breiðfjörð
Manga Escobar í leik hér á landi.
Mynd: Fótbolti.net - Hafliði Breiðfjörð
Kólumbíski fótboltamaðurinn Andrés 'Manga' Escobar, sem lék hér á Íslandi sumarið 2021 með Leikni í Breiðholti en yfirgaf félagið eftir tímabilið, flúði land í síðasta mánuði þrátt fyrir að vera í farbanni vegna nauðgunardóms.
Vísir fjallar um málið en Manga hlaut í febrúar í fyrra tveggja og hálfs árs fangelsisdóm sem hann beið afplánunar í fangelsi hér á landi.
Vísir fjallar um málið en Manga hlaut í febrúar í fyrra tveggja og hálfs árs fangelsisdóm sem hann beið afplánunar í fangelsi hér á landi.
Hægt er að lesa dóminn í heild sinni með því að smella hérna.
Samkvæmt lögum um fullnustu refsinga er heimilt að gefa út alþjóðlega handtökuskipun og fara fram á framsal viðkomandi frá því landi þar sem hann er staddur.
Manga er kominn til Cali í heimalandi sínu Kólumbíu og í viðtali þar í landi segir hann að samkomulag hafi náðst „af mannúðarástæðum" um að hann fengi að snúa í faðm fjölskyldu sinnar. Hann segir það samkomulag hafa náðst fyrir tilstilli Gustavo Quijano hjá fótboltasambandi Kólumbíu og annarra aðila.
„Þetta var spurning um að lifa af. Á tímabili hélt ég að ég myndi deyja," segir Manga í viðtalinu en Vísir fjallar nánar um málið.
Samkvæmt lögum um fullnustu refsinga er heimilt að gefa út alþjóðlega handtökuskipun og fara fram á framsal viðkomandi frá því landi þar sem hann er staddur.
Manga er kominn til Cali í heimalandi sínu Kólumbíu og í viðtali þar í landi segir hann að samkomulag hafi náðst „af mannúðarástæðum" um að hann fengi að snúa í faðm fjölskyldu sinnar. Hann segir það samkomulag hafa náðst fyrir tilstilli Gustavo Quijano hjá fótboltasambandi Kólumbíu og annarra aðila.
„Þetta var spurning um að lifa af. Á tímabili hélt ég að ég myndi deyja," segir Manga í viðtalinu en Vísir fjallar nánar um málið.
Heimild: Vísir
