Áætlunum um að áhorfendur fengi aftur aðgang að íþróttaviðburðum á Englandi hefur verið frestað. Þetta hefur Boris Johnson, forsætisráðherra Bretlands, gefið út.
Ætlunin var að fara að hleypa áhorfendum aftur á leikvanga í október en því hefur verið frestað þar sem tilfellum í kórónaveirufaraldrinum hefur fjölgað.
Ætlunin var að fara að hleypa áhorfendum aftur á leikvanga í október en því hefur verið frestað þar sem tilfellum í kórónaveirufaraldrinum hefur fjölgað.
„Útbreiðsla veirunnar hefur áhrif á möguleika okkar á að hleypa áhorfendum aftur á stóra íþróttaviðburði. Við getum ekki haldið okkur við áætlanir um 1. október og ég geri mér grein fyrir áhrifum sem þetta hefur á íþróttafélögin okkar sem eru hjarta og sál samfélaga," segir Boris Johnson.
Leikið hefur verið án áhorfenda á Englandi síðan í mars og segir ráðherrann að ríkisstjórnin sé að skoða leiðir til að hjálpa íþróttafélögum fjárhagslega.
Óttast er að margir mánuðir gætu liðið áður en áhorfendum verður hleypt aftur á stóra viðburði á Bretlandseyjum.
Athugasemdir