Grindavík og Þór mættust í Akraneshöllinni í dag og komust Akureyringar yfir snemma leiks. Fannar Daði Malmquist Gíslason skoraði á áttundu mínútu og fékk Guðmundur Magnússon rautt spjald í liði Grindvíkinga rétt fyrir leikhlé.

Gummi Magg skoraði bæði mörk Grindavíkur í 2-1 sigri í fyrstu umferð gegn HK en sigurinn fær ekki að standa því Gummi var enn skráður sem leikmaður ÍBV í kerfi KSÍ. HK fékk því dæmdan sigur.

Tíu leikmenn Grindavíkur réðu ekki við spræka Þórsara í seinni hálfleik. Fannar Daði tvöfaldaði forystuna eftir stoðsendingu frá Alvaro Montejo og gerði Alvaro svo þriðja markið skömmu síðar.

Sölvi Sverrisson bætti tveimur við á lokakaflanum og niðurstaðan 0-5 sigur Þórs.

Markaskorarar af urslit.net