Búið er að staðfesta það að Inter spili fyrir luktum dyrum þegar liðið mætir Ludogorets í 32-liða úrslitum Evrópudeildarinnar á fimmtudagskvöld. Þetta er gert af ótta við smithættu vegna kórónu veirunnar.
Inter vann fyrri leik sinn gegn Ludogorets 2-0 í Búlgaríu.
Inter vann fyrri leik sinn gegn Ludogorets 2-0 í Búlgaríu.
Fjórum leikjum í Serie A var frestað af þessum sökum en kóróna veiran hefur greinst á Ítalíu undanfarna daga. Inter átti að spila gegn Sampdoria í gær, en þeim leik var frestað.
Margir skólar í Milanó voru lokaðir í dag og nú er það staðfest að engir áhorfendur verði á San Siro á fimmtudag.
Juventus og Inter eiga að mætast í risaslag í Serie A á sunnudag en möguleiki er á að þeim leik verði frestað. Fundað hefur verið um málið í dag.
Samkvæmt nýjustu fregnum ítalskra miðla hafa sex eða sjö látist á norður-Ítalíu í dag.
Athugasemdir