Jamal Musiala hefur tilkynnt að hann muni spila fyrir þýska landsliðið frekar en það enska.
Hinn 17 ára gamli Musiala hefur vakið athygli með Bayern Munchen á tímabilinu en hann var á skotskónum gegn Lazio í Meistaradeildinni í vikunni.
Musiala fæddist í Þýskalandi og á þýska móður en faðir hans á ættir að rekja til Englands og Nígeríu. Musiala flutti sjö ára til Englands með fjölskyldu sinni og bjó þar í átta ár áður en hann fór aftur til Þýskalands fyrir tveimur árum.
Musiala spilaði með enska U21 landsliðinu í fyrra en hann hefur nú ákveðið að spila fyrir þýska landsliðið í framtíðinni.
Mögulega gæti fyrsti A-landsleikur hans komið gegn Íslandi í undankeppni HM í næsta mánuði. Þýski fjölmiðillinn Bild segir að hann verði valinn í A-landsliðið í fyrsta sinn í næsta mánuði. Hann verði ekki valinn í þýska U21 landsliðið sem tekur þátt í lokakeppni EM á sama tíma.
Þess má geta að íslenska U21 landsliðið tekur einnig þátt í lokakeppni EM U21 landsliða á sama tíma og það verður gaman að sjá hvernig landsliðshóparnir verða.
Ísland og Þýskaland mætast í fyrsta leik í riðlinum í undankeppni HM 2022. Leikurinn verður í Þýskalandi 25. mars.
Jamal Musiala will play for the German national senior team for the first time in next month's internationals against Iceland, Romania and North Macedonia [Bild] pic.twitter.com/Q7hJlvom58
— Sextuple winners 🏆🏆🏆🏆🏆🏆 (@iMiaSanMia) February 24, 2021
Athugasemdir