Rúrik Gíslason fær ekki að æfa með félagsliði sínu, þýska B-deildarliðinu Sandhausen.
Ástæðan er sú að hann neitaði að taka á sig launalækkun þegar félagið leitaði eftir því.
Ástæðan er sú að hann neitaði að taka á sig launalækkun þegar félagið leitaði eftir því.
Þetta kom fyrst fram í hlaðvarpsþættinum Dr. Football og mbl.is hefur staðfestar heimildir fyrir því að þetta sé staðan.
Mbl hafði samband við Rúrik sem vildi ekki tjá sig um málið.
Rúrik hefur verið utan hóps hjá Sandhausen í þeim tveimur leikjum sem liðið hefur spilað eftir að keppni fór aftur af stað í þýsku B-deildinni.
Sandhausen er í 14. sæti af 18 liðum og aðeins tveimur stigum fyrir ofan fallsæti.
Athugasemdir