Inter Milan er í vondum málum í B-riðli Meistaradeildar Evrópu.
Liðið er þessa stundina að spila við Real Madrid á heimavelli. Staðan er 1-0 fyrir Real en Eden Hazard skoraði markið úr vítaspyrnu á sjöundu mínútu leiksins.
Núna fyrir stuttu versnaði útlitið mjög fyrir Inter þar sem miðjumaðurinn reyndi, Arturo Vidal, gerði sig sekan um mikil heimskupör.
Hann vildi fá vítaspyrnu dæmda en fékk ekki. Hann fór og lét Anthony Taylor dómara heyra það. Taylor hafði ekki mikla þolinmæði fyrir því og lyfti gulu spjaldi. En Vidal hætti ekki. Hann hélt áfram og fékk sitt annað gula spjald fyrir meira tuð, og þar með rautt. Inter er því manni færri.
„Hversu pirraður væri maður að vera samherji hans?" sagði Reynir Leósson í Meistaradeildarmörkunum á Stöð 2 Sport.
Þetta rauða spjald gæti reynst dýrkeypt fyrir Inter þar sem ítalska liðið er á botni riðilsins með tvö stig. Ef Real Madrid vinnur leikinn fer spænska stórveldið í sjö stig, einu stigi frá toppliði Borussia Mönchengladbach þegar tvær umferðir væru eftir. Útlitið þá ekki gott fyrir lærisveina Antonio Conte í Inter.
Arturo Vidal has now been sent off in the Champions League for three different clubs:
— Squawka Football (@Squawka) November 25, 2020
🟥 2017 for Bayern vs Real Madrid
🟥 2019 for Barcelona vs Napoli
🟥 2020 for Inter vs Real Madrid
Twice against Los Blancos. 🙃 pic.twitter.com/qh1ooGnwYf
32:18: Yellow card for dissent
— Football Tweet (@Football__Tweet) November 25, 2020
32:25: Another yellow card for dissenting the dissent
Arturo Vidal has lost his head. 🤣🤣 pic.twitter.com/1hWkQHaGYi
Athugasemdir