Fleiri vilja halda Hareide en fá Arnar

Gerð var skoðanakönnun meðal lesenda Fótbolta.net um hvern fólk vill sjá sem landsliðþsþjálfara Íslands. Góð þátttaka var í þessari könnun en 3.650 tóku þátt.

Af þeim sem tóku þátt vilja 38,6% halda Age Hareide áfram, 35% vilja fá Arnar Gunnlaugsson til að taka við og 16,8% vilja fá Frey Alexandersson.

Framtíð Hareide er í óvissu og Þorvaldur Örlygsson formaður KSÍ sagt að landsliðsþjálfaramálin séu í skoðun. Þau ættu að ráðast á næstu dögum.

Ef Hareide verður ekki áfram hafa nöfn Arnars og Freys mest verið í umræðunni en niðurstaðan í skoðanakönnuninni var opinberuð í útvarpsþættinum Fótbolti.net um helgina.