Salah vonsvikinn yfir því að hafa ekki fengið tilboð frá Liverpool

„Desember er handan við hornið og ég hef ekki fengið neitt tilboð um að vera áfram hjá félaginu. Það er væntanlega líklegra að ég fari en verði áfram," segir Salah.

„Ég hef verið hjá félaginu í mörg ár. Það er ekkert félag eins og þetta. En þegar á hólminn er komið er þetta ekki í mínum höndum. En eins og ég sagði, desember er að ganga í garð og ég hef ekki fengið neitt um mína framtíð."

Salah var spurður hvort hann væri vonsvikinn yfir því að hafa ekki fengið tilboð frá Liverpool.

„Já, auðvitað. Ég elska stuðningsmennina og þeir elska mig. Þegar allt kemur til alls er þetta ekki í mínum höndum né þeirra. Bíðum og sjáum. Ég er ekki að fara að leggja skóna á hilluna á næstunni svo ég einbeiti mér að því núna að reyna að vinna ensku úrvalsdeildina með Liverpool og vonandi Meistaradeildina líka. Ég er vonsvikinn en bíðum og sjáum."

Guardian segir Liverpool rólegt yfir stöðunni og telji sig hafa átt jákvæðar viðræður við umboðsmann Salah, Ramy Abbas Issa. Það hafi verið vitað mál að það tæki tíma að framlengja við þeirra launahæsta leikmann en hann fær 350 þúsund pund í grunnlaun.

Eins og staðan er núna þá mega félög utan Englands ræða við Salah eftir fimm vikur. Hann hefur verið orðaður við Sádi-Arabíu eins og svo margir aðrir. Guardian segir Liverpool rólegt yfir stöðunni og telji sig hafa átt jákvæðar viðræður við umboðsmann Salah, Ramy Abbas Issa.