Magni 1 - 3 Grindavík (14 í dag)
Þessi leikur verður lítið fyrir augað, mikil barátta en gæðamunur liðanna mun sjást eftir því sem líður á leikinn. Grindavík mun klára leikinn nokkuð sannfærandi 1-3.

Keflavík 2 - 0 Vestri (14 í dag)
Mínir menn í Keflavík rífa sig í gang eftir svekkjandi jafntefli í síðustu umferð og koma brjálaðir í þennan leik. Þetta verður jafn leikur þar sem bæði lið eru með hörku mannskap en Keflavík setur tvö mörk í seinni hálfleik. Adam Páls skorar eitt og ég vonast til þess að sjá Davíð skora eitt gullfallegt mark.

Fram 2 - 2 Þór (16 í dag)
Þetta er klárlega stærsti leikur umferðarinnar og þurfa bæði lið að ná sér í þrjú stig þar sem þau ætla bæði að reyna komast upp um deild. Bæði lið verða mjög 'passive' og kemur fyrsta markið ekki fyrr en eftir hálftíma leik. Fram mun tvisvar komast yfir í leiknum en Þór jafnar í bæði skiptin.

Víkingur Ó. 1 - 1 Leiknir F. (16 í dag)
50/50 leikur þegar maður horfir á þetta fyrirfram. Leiknismenn komast yfir í leiknum með hjólhestaspyrnu frá Kristófer Páli. Brynjar Atli í markinu mun halda Víkingi inni í leiknum í stöðunni 0-1, en Víkingur jafnar svo seint í leiknum.

ÍBV 3 - 0 Þróttur R. (18 á morgun)
Auðveldur leikur fyrir Eyjamenn, sem munu stjórna leiknum nánast allan tímann. Gary Martin skorar tvö af mörkum ÍBV.

Afturelding 1 - 2 Leiknir R. (19:15 á morgun)
Afturelding kemst yfir snemma í leiknum með marki frá Jason Daða eftir flott einstaklingsframtak. En Leiknismenn rífa sig í gang í seinni hálfleik og taka yfir leikinn og skora tvö mörk. Sævar Atli og Vuk með mörkin.

Fyrri spámenn:
Pétur Theódór Árnason (5 réttir)
Jón Arnar Barðdal (3 réttir)
Anna Björk Kristjánsóttir (2 réttir)
Hörður Ingi Gunnarsson (2 réttir)
Lucas Arnold (2 réttir)
Óskar Smári Haraldsson (2 réttir)
Hrafnkell Freyr Ágústsson (1 réttur)