Víkingur Ó. 2 - 2 Afturelding (19:15 í kvöld)
Það kemur kraftur inn með nýjum þjálfara hjá Víkingi Ólafsvík en það verður ekki nóg til þess að stöðva Andra Frey Jónasson. Hann skorar tvennu. Lærisveinar Magga verða óheppnir að taka ekki þrjú stig.

Þess ber að geta að Brynjar Kristmundsson stýrir Ólsurum í dag og tekur Guðjón Þórðarson við liðinu eftir leikinn.

Þróttur R. 0 - 3 Keflavík (19:15 í kvöld)
Leitin langa að stigum hjá Þrótti heldur áfram þar sem Nacho Heras er mættur í bæinn. Það má búast við marki frá Sergio Ramos íslenska boltans og Keflavík heldur áfram að klífa upp töfluna.

Grindavík 3 - 1 Fram (19:15 í kvöld)
Fram hefur byrjað deildina stórkostlega, en það er synd að þeir þurfi þá að mæta á Grindavíkurvöll. Fótboltinn hans Bjössa mun reynast gestunum erfiður og Stefán Ingi mun eiga stórleik á sínum nýja heimavelli. Get séð fyrir mér að Sindri Björnsson skori sjaldséð mark.

Leiknir F. 1 - 1 Vestri (14 á morgun)
Það verður engin háspenna lífshætta í Fjarðabyggðarhöllinni í leik tveggja nokkuð jafnra liða. Vestri mun missa af stigunum þremur þegar Arek Grzelak jafnar þegar ekki mikið er eftir.

Þór 3 - 4 ÍBV (14 á morgun)
Leikur tímabilsins til þessa. Enginn varnarleikur og Alvaro Montejo og Gary Martin munu fara á kostum. Þeir skora báðir tvö. Útlit verður fyrir að ÍBV tapi fleiri stigum áður en Sito skorar ótrúlegt mark til að taka stigin þrjú með til Vestmannaeyja.

Leiknir R. 4 - 0 Magni (16 á morgun)
Ferð í Gettóið er það síðasta sem Magnamenn þurfa akkúrat núna. Sævar Atli mun stjórna ferðinni fyrir Leiknismenn og Vuk klæðir sig í markaskóna. Leiknir sýnir það og sannar að liðið verður með í baráttunni um að fara upp.

Fyrri spámenn:
Pétur Theódór Árnason (5 réttir)
Jón Arnar Barðdal (3 réttir)
Anna Björk Kristjánsóttir (2 réttir)
Hörður Ingi Gunnarsson (2 réttir)
Hrafnkell Freyr Ágústsson (1 réttur)